مینگ‌لرچه اهالینی اوزیگه جایله‌شتیرگن تالقان شهری اطرفیده‌گی شورچه منطقه‌سیده سوو آزلیگی اهالی اوچون کتته معماگه اَیله‌نگن.
تخار ولایتی نینگ مرکزی تالقان شهری بیرینچی خوفسیزلیک حوزه‌سیده واقع بو منطقه اهالیسی، یامغیرلر سوولرینی ییغیب اوندن کونده‌لیک روزغارلریده فایده‌لنه‌دی.
بو سوو ده ساغلیق توصیه‌لری نظرگه توتیلمه‌گنی ایریم خواطرلرنی اورته‌گه آلیب کېلگن.
شورچه یشا‌وچیسی انعام الله نینگ ایتیشیچه: “بو ذخیره‌دن کمیده ۲۵۰ عایله فایده‌لنه‌دی، بیز قیش و بهارده بولگن یامغیرلر سووینی بو ییرده ییغیب اوندن فایده‌لنه‌میز، ایسیق‌ده بو ییرده سوو قالمه‌ی اهالی‌گه ییتیشمه‌یدی.”
شونینگدېک محمد صالح‌نینگ بیلدیریشیچه” بو سوو ۲۰ فایز فایده‌لنیش‌گه بولمه‌یدی لیکن بیز مجبور میز شوندن ایش آله‌میز.”
بو منطقه‌ده یالغیز ایکی قودوق موجود دیر
بو قودوق‌لرنی سووی‌گه قول تاپیش اوچون قنچه‌لر نوبت‌گه توریب، کوتیش کیره‌ک.
بو قودوق‌لر کون ایچیده کوپ وقتلر قفل دیر و اهالی یوزیگه آزگینه وقت آچیله‌دی.
شوندی بولسه هم بو قودوق‌لر سووی قوریشی ممکن‌لیگیدن خواطرلر بار. بونده‌ی بولگن تقدیرده اهالی چیده‌ش قییند بولگن شرایط‌ده قرار تاپیش‌لری ممکن دیر.
شورچه‌لیک محب الله بو توغریده بوندی دیدی”بیز تعین‌لنگن بیر وقت‌ده آچه‌میز ینه قفل قیله‌میز بو سوو کم‌لیگیدن چونکه سوو یوق خلاص بولیب قاله‌دی.
ایتیش کیره‌ک که کوکچه و آمو دریالری آقمیده قرار تاپکن تخار ولایتیده بونده‌ی سووسیز منطقه‌لر هم موجود دیر و اخیرگی ییل‌لر ایچیده اقلیم اوزگریشی باعث بو معما کوپه‌یگن.
