افغانستان‌دن باشقه دنیا نینگ کۉپلب مسلمان اولکه‌لری، بوگون یکشنبه جوزا آیی نینگ ۲۷ – کونی، قربان هییت بیره‌مینی باشله‌دیلر.
معلومات‌لرگه کۉره، قربان هییت بیره‌می ترکیه، سعودی عربستان و اۉزبېکستان شامل قطار مملکتلرده باشلنگن.
اۉزبېکستان‌دن بۉلگن معلومات‌لرگه اساس، بو مملکت‌ده بوگون اېرته‌لب ساعت ۵:۰۰ دن باشلب، جامع مسجدلرده قربان هییت نمازی اوقیلگن.
طالبان بیراق باشقه مسلمان اولکه‌لردن فرق‌لی قربان هییت بیره‌مینی بیر کون کیین‌گه تشله‌گن.
طالبان رسمی‌لری حاضرگه قدر کمیده ایکی مراتبه یکشنبه کونی عرفه و دوشنبه کونی اېسه هییت بیرینچی کونی دېب اعلام قیلدی.
طالبان سۉزلاوچیسی ذبیح الله مجاهد آرقه‌لی بو خصوصده ترقه‌تیلگن بیانات‌ده قربان هییت بیره‌می بو حاکمیت تامانیدن شریعت اساسیده اعلام قیلنگنی ادعا قیلینگن.
