افغانستان‌نی قوتقریش ملی مقاومت کېنگشی قربان هییت مناسبتی بیلن بیر پیام ترقه‌تیب، ینه بیربار طالبان‌دن جدی تنقید قیلدی‌لر.
دیمک، افغانستان‌لیک سابق ییریک سیاسی سیمالردن شکل‌لنگن بو کېنگش پیامیده، افغانستان‌ده طالبان حاکمیتی ظالمانه اوقیلیب، بو حاکمیت‌گه قرشی هر تامانلمه قرشی‌لنیشی بیلدیریلگن.
شونینگدېک، بو کېنگش پیامیده، افغانستان‌ده طالبان تامانیدن عیاللرگه قرشی چیکلاولر دوامی، ییرلر باسیب آلینیشی و انسان‌لر کلتک‌لنیشی تنقیدلنیب بو وضعیت یکونلنیشی تاکید قیلینگن.
افغانستان‌نی قوتقریش ملی کېنگشی اۉزینی پیامیده، دنیا مملکتلریدن طالبان بیلن هیچ قندی علاقه قورمسلیکلری طلب قیلینگن.
بو کېنگش همده، طالبان‌گه قرشی برچه سیاسی تامان‌لر بیرلشتیریلیشی کېره‌ک دېب اورغوله‌گن.
ایتیش کېره‌ک که افغانستان‌ده جمهوریت تیزیمی قوله‌ب طالبان حاکمیت‌گه قیتگنی آرتیدن، مملکت‌دن قاچیب چیققن بیرقنچه سیاسی و حربی سیمالر افغانستان‌نی قوتقریش اوچون ملی مقاومت نامی آستیده بیر کېنگش قوردی‌لر، بیراق حاضرگه قدر بو کېنگش فعالیت‌لری یالغیز بیر نیچه آنلاین ییغین اوتکزیش‌گه خلاصه بۉلگن.
