فاریاب ولایتیدن بۉلگن محلی معلومات‌لرگه کۉره، بو ولایت نینگ دهندره منطقه‌سیده راکت اوقی پارتلشی عاقبتیده تۉرت باله جان بېرگن.
ایتیلیشیچه بو واقعه، یکشنبه کونی ۲۷ – جوزا اېرته‌لب ساعت ۸:۳۰ اطرافیده یوز بېرگن.
مذکور واقعه‌ده جان بېرگن باله‌لر تۉرت عایله‌دن بۉلیب اوچ ته‌سی اوغیل باله و بیرته‌سی اېسه قیز باله اېکن.
معلومات‌لرنی آرتیق‌لشیچه، اۉتگن ییل‌لرده‌گی اوروش‌لر جریانیده پارتلمه‌ی قالگن راکت اوقی باله‌لر تامانیدن بیر اریغ ایچیدن تاپیلگن و بو باله‌لر اوشبو اوق بیلن اوینیب اولتیرگن چاغی، اوق پارتلب کېتگن.
ایتیش کېره‌ک که افغانستان کۉپ ییل‌لردن بۉیان گواه بۉلیب کېلگن اوروش‌لردن کۉپلب اوروش امکانیت‌لری پارتلمه‌ی قالگن و بولر اېسه بعضا اهالی کۉپینچه باله‌لردن قربان‌لیک آله‌دی.
