جوزجان، فاریاب و سرپل ولایتلریدن بۉلگن محلی منبع‌لرنی ایتیشیچه، بو ولایت‌لرنی کۉپلب منطقه‌لری اۉتگن کیچه‌وکوندوز جریانیده، جدی یامغیر یاغیشی‌گه گواه اېدی.
معلومات‌لرگه کۉره، اوشبو یامغیرلر ایریم منطقه‌لرده سوو تاشقینلری یوز بېریشی‌گه هم باعث بۉلگن.
ایتیلیشیچه، جوزجان ولایتی نینگ درزاب و قوش‌تیپه اولسواللیک‌لریده یامغیر و ژاله یاغیشی آرتیدن سوو تاشقینی هم صادر بۉلگن.
شونینگدېک، فاریاب ولایتی نینگ گرزیوان اولسواللیگیده هم سوو تاشقینی یوز بېرگن.
حاضرگه قدر بو هوا یاغیشی و سوو تاشقینلری طفیلی اۉرته‌گه کېلگن زیان‌لر خصوصیده انیق معلومات یۉق. بیراق جوزجان، فاریاب و سرپل ولایتلری، ایریم تومنلرینی یشاوچیلری حاضرگی یامغیرلر، ایکینچیلیک محصولاتلرینی اوستیده سلبی تاثیر قۉییشیدن خواطرده دیر.
