بیرلشکن ملتلر تشکیلاتی خوفسیزلیک کېنگشی اۉتگن کون اوتکزگن ییغینیده ینه بیربار افغانستان مساله‌لری خصوصیده بحث قیلدی.
بو ییغین‌ده، افغانستان‌ده عیاللر وضعیتی، دوحه کیله‌سی ییغینی، افغانستان اقتصادی وضعیتی، ترورچیلیککه قرشی کوره‌ش مساله‌لری و شونگه اوخشش افغانستان‌گه عاید ایریم مساله‌لر تیکشیریلیب، ییغین اشتراکچیلری تامانیدن خواطرلر بیان بۉلینگن.
بو ییغین‌ده، بیرلشکن ملتلر تشکیلاتی باش کاتبی نینگ افغانستان‌ده‌گی نماینده‌سی رزرا اوتنبایوا بیر گزارش ترقه‌تیب، افغانستان عیاللرینی آغیر وضعیتیدن خواطر بیلدیرگن.
اوتنبایوا نینگ معلوم قیلیشیچه، افغانستان عیاللری طالبان چیکلاولری یانیده، عایله‌لرده هم کۉپلب قیینچیلیکلر بیلن یوز مه یوز دیر.
رزا اتونبایوا اۉزینی گزارشی بیر بۉلیمینی دوحه کیله‌سی ییغینی خصوصیده هم قره‌تگن و اونینگ آرتیق‌لشیچه، دوحه ییغینیده افغانستان عیاللرینی وضعیتی تیکشیریلیشی درکار.
شونینگدېک، اوتنبایوا دوحه ییغینی کۉپلب امیدلرنی یره‌تگنیگه اشاره قیلیب، بو ییغین اوشبو طلب‌لرنی برچه‌سیگه ییتیشیش‌گه عاجز دېب معلوم قیلگن.
عینی حالده، اوچا تشکیلاتی نینگ رسمی‌لریدن بیری لیزا دوتن افغانستان‌ده انسان‌پرورلیک یاردملرگه محتاج کیشی‌لر رقمی آشیشیدن خواطر بیلدیریب ایتیشیچه، اوشبو کیشی‌لر افغانستان جمعیتی جمله‌سیدن ۵۰ فایزدن کۉپ‌نی شکل‌لنتیره‌دی.
افغانستان‌ده ترورچیلیک مساله‌لری و بونگه قرشی کوره‌ش بیرلشکن ملتلر تشکیلاتی خوفسیزلیک کېنگشیده بیان اېتیلگن باشقه موضوع‌لردن اېدی که ایران و روسیه وکیللری بو خصوصده اۉز خواطرلرینی بیلدیردی.
