غزده اسراییل کوچلری و حماس گروهی آره‌سیده ۷ آی دن بۉیان اوروش دوام ایتر اېکن بو اوروش لبنان تامان تارتیلیشی خصوصیده هم خواطرلر کونسه‌یین کۉپه‌یماقده.
دیمک، بو خوف‌لر اسراییل کوچلری همده لبنان‌لیک حزب الله آره‌سیده یوز بېرگن اخیرگی تۉقنه‌شوولردن کیلیب چیقه‌دی.
بوندن ایلگری اسراییل تشقی ایشلر وزیری یسرايل کاتز بو مملکت رسمی‌لری آره‌سیده حزب الله بیلن اوروش مساله‌سی کوریب چیقیلماقده و تیزلیکده بیر قرار آلینیشی بیلدیرگن اېدی.
اسراییل‌نی کوره‌یاتگن بو تیارگرلیگی حزب الله بیلن بو مملکت آره‌سیده اوروش صادر بۉلیشی امکانینی کۉپه‌یتیرگن.
بیرلشکن ملتلر تشکیلاتی باش کاتبی آنتونیو گوتریش هم لبنان ایکینچی غزه‌گه اَیلنیشی احتمالی‌دن آگاه‌لنتیردی.
عینی حالده، امریکا قۉشمه ایالتلری نینگ تشقی ایشلر وزیری آنتونی بلینکن هم اسراییل‌گه بۉلگن سفریده، بو مملکت رسمی‌لری بیلن اوچره‌شیب، لبنان بیلن اوروشمسلیکلرینی معلوم قیلگن.
شوندی بۉلسه هم دنیا ایریم مملکتلری لبنان‌ده بۉلگن فقرالرینی چیقاریش یۉللرینی قیدیرماقده.
کویت مملکتی، لبنان‌ده بۉلگن فقرالریدن بو مملکت‌نی تیزلیک بیلن ترک اېتیش‌لرینی سۉره‌گن.
شونینگدېک، کانادا هم لبنان‌ده ساکن ۴۵ مینگ کانادا فقراسینی چیقاریش یۉللرینی قیدیرماقده‌لیگینی اعلام قیلگن.
