یورو ۲۰۲۴ اۉیین‌لری دوامیده بو کیچه چهارشنبه، ۶ – سرطان، تۉرت اویین بۉلیب اوته‌دی و اوشبو اۉیین‌لر مذکور جام‌نی گروهی باسقیچ‌ده بۉلگن سونگی اۉیین‌لری دیر.
اوشبو اۉیین‌لر ترکیه بیلن چک جمهوریتی، پرتگال بیلن گرجستان، اوکراین بیلن بلژیک و رومانی بیلن اسلواکی فوتبال تیرمه جماعه‌لری آره‌سیده بۉلیب اوته‌دی.
اوشبو اۉیین‌لردن بیرته مهمی، ترکیه بیلن چک جمهوریتی فوتبال ملی تیرمه جماعه‌لرینی بیربیراولریگه قرشی کۉره‌شی دیر و ترکیه فوتبال جماعه‌سی، اروپا ملتلر جام‌نینگ حذفی باسقیچ‌ده اوتیب باریش اوچون بو اۉیین‌ده غلبه قازانیشی کېره‌ک.
دیمک ترکیه و چک جمهوریتی جماعه‌لرینی اوشبو مسابقه‌سی یورو ۲۰۲۴ اۉیین‌لرینی «F» گروهی چارچوبه‌سیده بۉلیب اوته‌دی و بو گروه‌دن حاضرگه قدر پرتگال فوتبال تیرمه جماعه‌سی، آلتی امتیاز بیلن حذفی باسقیچ‌ده بارگن.
مذکور گروه‌نینگ ایکینچی جماعه‌سی بۉلمیش ترکیه بو کیچه‌ده‌گی اۉیین‌گه غالب بۉلگن تقدیرده، حذفی باسقیچ‌ده باره‌دی و بۉلمه‌گنده بو باسقیچ‌ده باریشی انیق‌لنیشی پرتگال بیلن گرجستان اۉیین‌نی نتیجه‌سیده باغلیق دیر.
