بیرلشکن ملتلر تشکیلاتی نینگ افغانستان انسان حقلری بۉییچه مخصوص گزارشگری ریچارد بنت «نیویورک تایمیز» یېتکرمه‌سیده نشر قیلگن بیر یازوویده، افغانستان قیزلری جمله‌دن افغانستان شمالی ولایتلریده یشاوچی قیزلرنی اوقیشگه بۉلگن قیزیقیش‌لری توغریسیده سۉزله‌گن.
ریچارد بنت مذکور یازووده، افغانستان شمالی ولایتلری اهالیسی، علم و اوقیشگه قیزیقیش همده اهمیت بیریش اوچون اوزون بیر اوتمیش‌گه ایگه دېب، طالبان حاکمیت‌گه قیتگنیدن ۹ آی‌دن کیین، افغانستان شمالیده سفر قیلیب، بیر مکتب‌دن کوریب چیقیب و بو قیز مکتبی اوقووچیلرینی اوقیشگه قیزیقیش‌لری و کیله‌جکده بۉلگن امیدلرینی کورگن اېدیم دېگن.
بیرلشکن ملتلر تشکیلاتی مخصوص گزارشگری، حاضر اوشبو قیزلر اوقیش‌دن محروم سقلَنگنیدن خواطر بیلدیریب، طالبان‌نی بو چیکلاوی قیزلر آره‌سیده افسرده‌لیک و حتا خودکُش‌لیکلرگه باعث بۉلگن دېگن.
ریچارد بنت دوحه کیله‌سی ییغینیده، عیاللر و مدنی جماعه‌چیلیک‌دن وکیل چقیریلمسلیگی و خاتین-قیزلر حقلری، بو ییغین‌ده بحث اېتیلیشی کوتیلگن موضوع‌لردن بۉلمسلیگیدن هم خواطر بیلدیرگن.
