افغانستان‌نی قوتقریش اوچون ملی مقاومت کېنگشی بیر بیانات ترقه‌تیب، دوحه اوچینچی دور ییغینی محتوا و ترکیب‌دن تنقید قیلدی.
افغانستان سابق سیاسی سیمالریدن شکل‌لنگن اوشبو کېنگش نینگ بیاناتیده کیلیشیچه، بیرلشکن ملتلر تشکیلاتی دوحه اوچینچی دور ییغین‌نی بو تشکیلات اصوللریگه قرشی یۉلگه قۉیگن.
بو کېنگش‌نی اورغوله‌شیچه، دوحه ییغینیده افغانستان‌لیک برچه سیاسی تامانلر و عیاللر فعاللری چقیریلیشی کېره‌ک اېدی.
افغانستان‌نی قوتقریش اوچون ملی مقاومت کېنگشی، بو حالده بیرلشکن ملتلر تشکیلاتی نینگ ییغینی اوتکزیلیشینی ناکام دېب بهاله‌گن.
ایتیش کېره‌ک که بیرلشکن ملتلر تشکیلاتی طالبان طلب‌گه اساس، بو ییغین‌نی طالبان وکیللری حضوریده یالغیز اقتصادی مساله‌لر توغریسیده اوتکزماقده.
