بدخشان ولایتیده فعال بۉلگن اۉزبېک فرهنگی فعال ییتگیت‌لریدن بیری، فرهنگی فعالیت‌لرینی طالبان باسیم‌لری باعث تۉخته‌تیش‌گه مجبور بۉلگنلرینی بیلدیره‌دی.
اۉزبېک تی‌وی اختیاریده قۉییلگن معلومات‌گه کۉره، بدخشان ولایتیده طالبان محلی حکومتی اولرگه بوندن کیین هیچ قندی بیر فرهنگی فعالیت‌گه قۉل اورمسلیک‌لری و اجتماعی صحیفه‌لرده هم بو توغری‌لرده فعالیت قیلمس‌لیکلرینی بویورگن.
اولرنی ایتیشیچه، طالبان نینگ بدخشان ولایتیده مدنیت و اخبارات ریاستی تورلی یۉللردن اولرنی اوستیده باسیم کېلتیریش‌گه اۉلگورگن.
بو ییگیت‌لرنی آرتیق‌لشیچه، طالبان محلی حکومتی اولرنی سیاسی بیر گروه منفعت‌گه فعالیت قیلیش‌گه عیب‌لب، بوندن کیین فعالیت‌لریدن قۉل تارتیش‌لرینی بیلدیرگن.
بدخشان‌لیک بو ییگیت‌لرنی بیلدیریشیچه، اولر ییل‌لردن بۉیان اۉزبېک مدنیتی و تیل‌نی رواجلنتیریش اوچون بو ولایت‌ده فعالیت قیلیب تورگن اېدی.
اولرنی فعالیتی، اۉزبېک‌لرنی مناسبتی کون‌لرینی نشان‌لش و شعرخوان‌لیک و کتاب‌خوان‌لیک کبی ییغیلیش‌لرنی اوتکزیش‌دن عبارت اېدی که حاضر طالبان بو فعالیت‌لرنی تۉخته‌تیش گه باسیم کېلتیرگن.
