دنیا بۉیلب فوتبال سپورت‌نینگ لیگ‌لری آره‌سیده مهم بیللشوولردن بیری بۉلمیش اروپا ملتلر جامی کونسه‌یین قیزیق بۉلیب بارماقده.
دیمک، دنیاده جهان جامی دن کیین مملکتلر ارا بۉلگن مهم بیللشوو بو اروپا ملتلر جامی دیر که حاضر ۲۰۲۴ – ییل‌ده‌گی بو اۉیین یالغیز ۸ مملکت جماعه‌سی آره‌سیده قالگن.
یورو ۲۰۲۴ اۉیین‌لرینی ۸ جماعه‌لیک باسقیچ‌ده، ترکیه، پرتگال، اسپانیا، هالند، انگلیس، سویس، فرانسه و جرمنی فوتبال ملی تیرمه جماعه‌لری حضور تاپگن.
بو باسقیچ‌ده، ترکیه بیلن هالند، پرتگال بیلن فرانسه، سویس بیلن انگیس و اسپانیا بیلن جرمنی بیر بیراولریگه قرشی رقابت قیله‌دیلر.
بو جمله‌دن، پرتگال بیلن فرانسه و اسپانیا بیلن جرمنی فوتبال ملی تیرمه جماعه‌لری آره‌سیده‌گی اۉیین‌لر کۉپ جدی دیر چونکه بو تۉرت جماعه‌نینگ هر بیری قهرمان‌لیک مدعی‌سی حساب‌لنه‌دی.
شونینگدېک ترکیه فوتبال ملی تیرمه جماعه‌سی هم بو جام‌ده، آردا گولر دیک یاش یولدوزلری بیلن قهرمان‌لیککه کوز تیککن.
