قزاقستان مملکتی نینگ یېتکرمه‌لری بو مملکت آستانه شهری میزبان‌لیگیده بۉلگن شانگهای همکارلیکلر تشکیلاتی رهبرلرینی نوبتده‌گی ییغینی باشلنگنیدن خبر بېردی.
بوگون پنجشنبه، سرطان آیی نینگ ۱۴ – سی باشلنگن اوشبو ییغین‌ده بیرینچی بۉلیب شانگهای تشکیلاتی رهبرلری، بلاروس مملکتی نینگ بو تشکیلات‌‌ده اعضا بۉلیشی توغریسیده‌گی شرطنامه‌گه امضا قیلدی‌لر.
دییرلی بوندن ایلگری بلاروس مملکتی، افغانستان بیلن بیرگه شانگهای همکارلیکلر تشکیلاتی نینگ کوزه‌تووچی اعضاسی اېدی.
ایتیش کېره‌ک که شانگهای همکارلیک تشکیلاتی رهبرلرینی بو دور ییغینی قزاقستان جمهور باشلیغی قاسم جومر توقایف ییتکچیلیگیده اوتکزیلماقده.
بو ییغین‌ده، روسیه، چین، ترکیه، اۉزبېکستان، تاجکستان، قزاقستان، قرغیزستان، بلاروس و آذربایجان جمهور باشلیغلری شونینگدېک ایران اسلامی جمهوریتی نینگ وقتینچه‌لیک جمهور باشلیغی، پاکستان باش وزیری و هند تشقی ایشلر وزیری اشتراک قیلگن.
شانگهای همکارلیک تشکیلاتی منطقه‌ده‌گی مهم تشکیلات‌لردن بیری دیر.
