یورو ۲۰۲۴ اۉیین‌لری دوامیده بو کیچه افغانستان وقتی بیلن ساعت ۸:۳۰ده انگلیس بیلن سویس و ۱۱:۳۰ده اېسه ترکیه بیلن هالند فوتبال تیرمه جماعه‌لری بیر بیراولریگه قرشی میدان‌گه چیقه‌دی.
دیمک، یاش یولدوزلری بیلن بیرگه جدی و کۉپ سانلی مخلص‌لریگه ایشانگن ترکیه فوتبال ملی تیرمه جماعه‌سی بو کیچه هالند برابریده میدان‌گه چیقه‌دی که بو اۉیین‌ده غلبه قازانگن تقدیرده مذکور بیللشوولرنی یریم فاینل‌گه یۉل تاپه‌دی.
ایتیلیشیچه، بو اۉیین‌ده ترکیه فوتبال اۉیینچی‌لریگه روحیه بیریش و اولرنی ترغیب‌لش مقصد بو مملکت جمهور باشلیغی هم آلمان سفر قیلیب و اۉیین‌نی یقین‌دن کوریشی ممکن.
مذکور اۉیین باشلنیشیدن ایلگری، هالند مربی‌سی رونالد کومان ترکیه مخلص‌لرینی جیم قیلیش‌لرینی تیلگه آلگن.
ایتیش کېره‌ک که بو دور اروپا ملتلر جامی جرمنی میزبان‌لیگیده اوتکزیلماقده و بو مملکت‌ده‌گی کۉپلب تورک فقرالری باعث ترکیه جام‌ده‌گی کۉپ مخلص‌گه ایگه مملکت‌لر جمله‌سیدن دیر.
شو باعث ترکیه بیلن قرشی‌لنگن جماعه‌لر جمله‌دن هالند جماعه‌سی نینگ بیرته ییریک دغدغه‌سی ترکیه‌نی جدی و کۉپ سانلی مخلص‌لری دیر.
