اۉزبېکستان یېتکرمه‌لرینی گزارش‌لریگه کۉره، ترکیه تشقی ایشلر وزیری هاکان فیدان، تیزلیک بیلن تورکی دولتلر آره‌سیده مشترک بیر الفبا جاری اېتیلیشینی تکلیف قیلگن.
هاکان فیدان بو توغریده بۉلگن سعی‌وحرکتلرنی تیزلشتیریش اوچون علاحده بیر توزیلمه تشکیل اېتیلیشینی طلب قیلگن.
ترکیه تشقی ایشلر وزیری بو تکلیف‌نی آذربایجان نینگ سوشا شهریده اوتکزیلگن تورکی دولتلر تشکیلاتی یا ده « تی‌دی‌تی» تشکیلاتی نینگ نوبتده‌گی ییغینیده تاپشیرگن.
هاکان فیدان تورکی جغرافیه‌لرده، خلق‌ارا کوچلر رقابت‌لری آلدینی آلیش اوچون مشترک بیر چاره کوریلیش ضرورلیگینی هم معلوم قیلگن.
ایتیش کېره‌ک که تورکی دولتلر تشکیلاتی قوریلگنیدن بۉیان کونسه‌یین بو دولتلر آره‌سیده بیرلیک یره‌تیش اوچون اونملی آدیم‌لر کوتارماقده.
تورکی دولتلر تشکیلاتی اعضالری، ترکیه، آذربایجان، اۉزبېکستان، قرغیزستان و قزاقستان دولتلری دن عبارت دیر.
شونینگدېک، مجارستان، ترکمنستان و قبرس مملکتلری هم بو تشکیلات نینگ کوزه‌تووچی اعضاسی دیر.
