رسمی بیر سفر آرقه‌لی روسیه مملکت‌گه تشریف بویورگن هندوستان باش وزیری نریندرا مودی، روسیه جمهور باشلیغی ولادیمیر پوتین تامانیدن قیزغین کوتیب آلیندی.
دیمک مودی نینگ بو سفری اۉتگن کون دوشنبه، ۱۸ – سرطان باشلنیب و بوگون هم هندوستان رهبری روسیه‌ده بۉلیب توریشی اَیتیلگن.
روسیه و هندوستان مملکتلری یېتتکرمه‌لری نینگ خبر بیریشیچه، هندوستان باش وزیری اۉتگن آقشم روسیه جمهور باشلیغی تامانیدن ریجه‌لشتیریلگن بیر مهمان‌لیککه قتنه‌شیب، ایکی مملکت رهبرلری شو ییرده اوچره‌شگن.
ایتیلیشیچه هندوستان باش وزیری بو سفری‌ده مسکو و ینگی دهلی ارا مناسبت‌لرنی کوچه‌یتیریش آرتیدن دیر.
اوشبو سعی‌وحرکتلر شوندی بیرحالده دیر که روسیه مملکتی اوکراین اوروشی باشلنگنیدن بۉیان اۉزی‌گه دنیا بۉیلب شریک‌لر قیدیریب و خلق‌ارا دیپلوماسی‌ده اۉزینی اورتاق مملکتلری رقمینی کۉپه‌یتیرماقده.
شوندی بیرحالده، هندوستان باش وزیری نریندرا مودی روسیه مملکتیده‌گی هندو جماعه‌سی بیلن اوتکزگن اوچره‌شوویده، روسیه و هندوستان بیربیراوینی فایده و زیان‌گه بیرخیل قره‌یدی دېب اورغوله‌گن.
