دنیا بۉیلب تورلی مملکت‌لرده بجَرگن محنت‌لرینگیز برابریده تورلی خیل آی‌لیک یا – ده «ایش حقی» قۉلگه کېلتیریش‌لرینگیز ممکن.
شو سبب «سی‌ای‌او ورلد» گزیته‌سی یقین‌ده دنیا مملکت‌لریده، اورته‌چه ایش حقی قنچه‌لیگی توغریسیده ینگی بیر ریتینگ نشر قیلگن.
بو ریتینگ‌گه اساس، سویس مملکتیده بجَرگن ایشینگیز برابریده اورته‌چه ۸ مینگ ۱۱۱ دالر آلیشینگیز ممکن و بو مملکت اېسه دنیاده اینگ کۉپ ایش حقی بېریله‌دیگن مملکت دیر.
سویس‌دن کیین، لوگزامبورگ ۶۶۳۳ دالر و امریکا ۶۴۵۵ دالر بیلن ایش حقی بۉییچه ایکینچی و اوچینچی اۉرین‌نی ایگه‌لگن.
شونینگدېک، ایسلند ۶۴۴۱ دالر، ناروی ۵۶۶۵ دالر، دنمارک ۵۶۴۲ دالر، کانادا ۵۰۸۱ دالر، گرینلند ۴۶۶۵ دالر، ایرلند ۴۶۲۲ و نیوزلند ۴۵۸۱ دالر ایش حقی بیلن بو ریتینگ‌نی تۉرتینچی‌دن اۉنینچی اۉرین‌گه قدرنی اۉزلریدن قیلگن.
آسیا مملکت‌لری ایچیده اینگ کۉپ ایش حقی بیریله‌دیگن مملکت، سینگاپور مملکتی دیر که بو مملکت اورته‌چه ۴۳۵۰ دالر ایش حقی بیلن آسیاده بیرینچی و دنیاده اېسه ۱۱ – اۉرین‌ده قرار تاپگن.
اوشبو درجه‌بندلیککه اساس، اۉزبېکستان دنیاده ایش حقی بۉییچه اورته‌چه ۳۵۱ دالر بیلن دنیا بۉیلب ۱۱۹ – اورین‌ده و افغانستان اېسه اورته‌چه ۲۰۵ دالر ایش حقی بیلن ۱۳۸ – اۉرین‌ده قرار تاپگن.
اۉرته آسیا مملکت‌لرینی ایچیده قزاقستان ۶۷۳ دالر بیلن بیرینچی اۉرین‌ده و ترکمنستان اېسه ۶۵۴ دالر ایش حقی بیلن ایکینچی اۉرین‌ده دیر که بو ایکی مملکت‌نی دنیا مملکت‌لرینی ایچیده اۉرین‌لری ۸۰ – و ۸۳ – دیر.
افغانستان‌دن کیین منطقه مملکت‌لری؛ تاجکستان ۱۶۹ دالر بیلن ۱۴۳- مملکت و پاکستان اېسه ۱۶۳ دالر بیلن ۱۴۵ – مملکت دیر.
بو ریتینگ‌گه اساس، افریقالیک اوچ مملکت، لسوتو، آنگولا و مالاوی اۉرته‌چه ۲۴ دالر، ۲۷ دالر و ۳۱ دالر بیلن اینگ کم ایش حقی بیریله‌دیگن مملکتلر دیر.
