بیرلشکن ملتلر تشکیلاتی نینگ بیلیم، تعلیم و مدنیت تشکیلاتی یا ده «یونسکو»، ۸ – مارچ خلق‌ارا خاتین-قیزلر کونی مناسبتی بیلن نشر قیلگن بیاناتیده، افغانستان‌ده خاتین-قیزلر اۉقیشی برابریده‌گی توسیق‌لیک دوامی‌دن خواطر بیلدیردی.
اوشبو نهاد نینگ یازیشیچه “یونسکو معلوماتی اساسیده، افغانستان‌ده بیر –یریم میلیون قیز قبول قیلینمس قانون بیلن اۉقیش حقی‌دن محروم اېتیلگن.”
عینی حالده یونسکو تشکیلاتی خلق‌ارا هم‌جمعیتی، افغانستان‌ده خاتین-قیزلرنینگ اۉقیش حقینی قیتیریش اوچون بیرلیکده و جدی سعی‌وحرکت اېتیلیشی طلب قیلگن.
ایتیش کېره‌ک که طالبان حاکمیتی دوری‌ده، قیزلردن اۉقیش حقی آلینگن و بو اېسه جدی تنقیدلرنی اۉرته‌گه آلیب کېلگن.
طالبان حاضرگه قدر بو تنقیدلرنی نظرگه توتیب و اوشبو چیکلاونی بیکار قیلیش‌گه تیار بۉلگن اېمس دیر.
