طالبان کانلر و پترولیم وزیرلیگی نینگ اعلام قیلیشیچه، روسیه‌لیک بیر قنچه تدبیرکارلر، افغانستان نینگ آلتین کانلری اوستیده سرمایه یاتقیزیش‌گه تیارگرلیک و قیزیقیش کۉرسه‌تگن.
بو وزیرلیک نشر قیلگن بیاناتی اساسیده، روسیه‌لیک بو تدبیرکارلر طالبان کانلر و پترولیم وزیرلیگی اۉرین باسری حسام الدین صابری بیلن اوچره‌شیب، طالبان‌دن بو خصوصده زمینه یره‌تیشلرینی سۉره‌گن.
دیمک افغانستان نینگ کۉپراق آلتین کانلری، تخار و بدخشان ولایتلریده قرار تاپکن و بوندن ایلگری طالبان چین بیلن بیرگه‌لیکده اوشبو کانلرنی جدی بیرحالده ایشلب چیقارماقده‌لیگی خبر قیلینگن اېدی.
طالبان حاکمیت‌گه قیتگنیدن بیری، چین وطنداشلری کۉپراق تخار و بدخشان نینگ آلتین کانلرینی چیقاریش‌گه یوز کېلتیریب، ایریم گزارش‌لر بو کانلر چین‌لیکلر تامانیدن تالان-تاراج بۉلیشیدن هم خبر بېرگن.
