بیت المقدس/قُدس اوستیده تورکیه جمهور باشلیغی رجب طیب اردوغان و اسراییل باش وزیری بنیامین نتنیاهو اۉرته‌سیده‌گی تارتیشوولر دوامی‌ده، تورکیه جمهور باشلیغی، اجدادلریمیزدن قالگن بو شهرنی حمایه قیلیش‌ده دوام بېره‌میز دېب بیلدیردی.
اردوغان بو کېچه جمعه ۲۸ –سنبله اۉزی‌نینگ ایکس صحیفه‌سیده یازگن بیاناتیده، بو مساله‌نی اعلام قیلدی.
تورکیه جمهور باشلیغی‌نینگ یازیشیچه «بو جان تَن‌ده اېکن، الله‌نینگ اراده‌سی بیلن اجدادلریمیز امانت‌لرینی حمایه قیله‌میز و قُدس‌دن هیچ زمان قۉل تارتمه‌یمیز.»
اردوغان بو سۉزلری شوندی بیرحالده دیر که یقین‌ده اسراییل باش وزیری، تورکیه جمهور باشلیغینی خطاب قیلیب، قُدس شهری سیزلردن اېمس دېب اَیتکن اېدی.
ایتیش کېره‌ک که غزه‌ده اوروش و قُدس شهری اوستیده جنجللر دوام اېتر اېکن، بو وضعیت‌گه نسبتن تورکیه یانده‌شووی هم تنقیدلر بیلن بیرگه دیر.
