طالبان صناعت و سودا وزیرلیگی بوگون چهارشنبه ۲ – میزبان نشر قیلگن معلوماتی‌گه کۉره، افغانستان سوداگرلیک حجمی جاری قویاش ییلی‌نینگ اۉتگن آلتی آیی دوامی‌ده، ۶ میلیارد و ۷۸۳ میلیون دالرنی تشکیل بېره‌دی.
شونینگدېک طالبان بو وزیرلیگی معلوماتی اساسیده، اوشبو مدت ایچیده افغانستان‌نینگ صادرات رقمی ۷۴۸ میلیون دالر و واردات رقمی اېسه ۶ میلیارد و ۳۵ میلیون دالر دیر.
طالبان اۉتگن آلتی آی دوامی‌ده، اۉتگن ییل شو مدت‌گه نسبتن افغانستان سودا حجمی ۳۰ فایز، صادرات حجمی ۹ فایز و واردات اېسه ۲۱ فایز آشگنیدن خبر بېردی.
افغانستان اوشبو مدت ایچیده، اینگ کۉپ ایکینچیلیک محصولاتلرینی صادر قیلگن و باشقه مملکتلردن اېسه کۉپراق تیل، گاز همده آزیق-آوقت محصولاتلرینی وارد قیلگن.
افغانستان توارلری کۉپ صادر اېتیلگن مملکتلر، پاکستان، هندوستان، بیرلشکن عرب امیرلیگی، قزاقستان، اۉزبېکستان ، تورکیه، ایران، چین و عراق همده کۉپلب سوداگرلیک توارلر وارد اېتیلگن مملکتلر پاکستان، چین، اۉزبېکستان ، ترکمنستان ، روسیه، قزاقستان ، مالیزیا و هندوستان دیر.
