فرانسه جمهور باشلیغی امانول مکرون اۉزی‌نینگ ایکس صحیفه‌سیده یازگن بیاناتیده، ایران جمهور باشلیغی مسعود پزشکیان بیلن اوچره‌شگنیدن خبر بېردی.
بو حقده نشر اېتیلگن بیانات‌گه کۉره، اوچره‌شووده ایرانده اسیر سقلنگن فرانسه وطنداشلری تقدیری همده ایران هسته‌ای قورال ریجه‌سی خصوصیده بحث اېتیلگن.
فرانسه جمهور باشلیغی بو اوچره‌شووده، ایران هیچ قچان هسته‌ای قورال‌گه قۉل تاپمسلیگی کېره‌ک دېب، بو باره‌ده سۉزلشووگه قیتیشینی تکلیف قیلگن.
شونینگدېک مکرون «ماشه میکانیزم» قیتیشینی اېسلب، ایران‌دن هلی هم بیران کېلیشوو اوچون امکانیت بار دېب، سۉزلشووگه تیار بۉلیشینی طلب قیلگن.
دیمک فرانسه، بریتانیا و آلمان بیرگه‌لیکده «ماشه میکانیزم» قیته ایشگه توشیریلیشی خصوصیده قرار قیلدی و بیرلشکن ملتلر تشکیلاتی هم بو خصوصده بیر قطعنامه‌نی تصدیق‌لدی.
فرانسه، بریتانیا، آلمان و بیرلشکن ملتلر تشکیلاتی اوشبو قراری اساسیده، ایران اروپا مملکتلری بیلن کېلیشووگه قۉل تاپمه‌گن تقدیرده، بو مملکت‌گه نسبتن خلق‌ارا تحریملر قۉلگه آلینه‌دی.
