رویترز یېتکیرمه‌سی تامانیدن نشر اېتیلگن خبرگه کۉره، امریکا قوشمه ایالتلرینینگ جمهور باشلیغی دونالد ترامپ، غزه اوروشی یکونلنیشی و یقین شرق حدودیده‌گی تارتیشوولرگه نقطه قۉییلیشی مقصدیده، بیر ریجه تیارله‌گن.
بو حقده نشر اېتیلگن معلومات‌نی بیلدیریشیچه، ترامپ‌نینگ بو ریجه‌سی ترامپ و اسلامی مملکتلر دولت رهبرلری آره‌سیده اۉتکزیلگن سونگی اوچره‌شووده، شریک اېتیلگن.
دیمک بو اوچره‌شوو، بیرلشکن ملتلر تشکیلاتی باش مجمع‌سی‌نینگ ییغینی دایره‌سیده اۉتکزیلیب، اوچره‌شووده، تورکیه، قطر، سعودی عربستان و شونگه اوخشش باشقه بیر قنچه اسلامی مملکتلر رهبرلری و یوقاری مرتبه‌لی رسمی‌لری اشتراک اېتگن اېدی.
امریکا قوشمه ایالتلری جمهور باشلیغی‌نینگ مخصوص وکیلی استیو ویتکاف، مذکور ریجه‌ده اسراییل و شونگه اوخشش یقین شرق باشقه مملکتلری‌نینگ خواطرلری اوچون ییچیم‌لر نظرگه توتیلگنینی معلوم قیلدی.
ایتیش کېره‌ک که بوندن ایلگری، غزه اوروشی یکونلنیشی مقصدیده تیارلنگن ریجه‌لر عملگه آشیریلمه‌ی کېلماقده دیر.
اوشبو موفقیت‌سیزلیک باعث غزه اوروشی ایکی ییل‌دن بیری قانلی بیر کۉرینیش‌ده دوام اېتماقده.
