افغانستان جنوبی حدودیده جایله‌شگن قندهار ولایتیده بیر ایرکک اۉلدیریلگنی خبر قیلیندی.
ایریم یېتکیرمه‌لر اۉز منبع‌لری تامانیدن بېریلگن معلومات‌لرگه اساسلنیب خبر بېریشیچه، بو شخص سابق تورموش اورتاغی‌نینگ آته‌سی تامانیدن اۉلدیریلگن.
ایتیلیشیچه بو شخص‌نی اۉلدیرگن کیشی طالبان حربی‌لری تامانیدن حبسگه آلینگن و قیزی بو ایرکک تامانیدن اۉلدیریلگنی سبب، قصاص آلیش مقصدیده بو ایشگه قۉل اۉرگنینی بیلدیرگن.
اوشبو واقعه چهارشنبه کونی ۲ – میزان قندهار ولایتی‌نینگ سپین بولدک تومنی‌ده یوز بېرگن.
واقعه‌ده قربان بۉلگن شخص قۉل ساتووچیلیک بیلن شغللنیب کېلگن اېکن.
ایتیش کېره‌ک که سونگی ییللرده، افغانستان تورلی حدودلریده بو کبی جنایی جرملر سانی کۉپه‌یگن.
اوشبو واقعه‌لر دوامی‌ده، یقین‌ده تخار ولایتیده هم نیک محمد ناملی بیر شخص اۉلدیریلدی.
تخار ولایتی هزارسموچ تومنی‌ده اۉلدیریلگن بو شخص‌نینگ عایله اعضاسی اۉزبېک تی‌وی گه یازگن معلومات‌لریده، اولر اوچون عدالت تامین‌لنمه‌گنینی بیلدیریب، طالبان دولت اداره‌لری‌نینگ اعتبارسیزلیگیدن تنقید قیلگن.
