تورکیه یېتکیرمه‌لری تامانیدن نشر اېتیلگن خبرلرگه کۉره، بو مملکت جمهور باشلیغی رجب طیب اردوغان، امریکا قوشمه ایالتلری جمهور باشلیغی دونالد ترامپ بیلن اوچره‌شیشی کوتیله‌دی.
بو حقده نشر اېتیلگن معلومات‌لرنی بیلدیریشیچه، تورکیه و امریکا دولت رهبرلری‌نینگ اوچره‌شووی بوگون پنجشنبه ۳ – میزان، امریکا جمهورلیک ریاست سرایی یا ده «آق‌سرای»ده اۉتکزیلیشی ریجهلشتیریلگن.
دیمک بو اوچره‌شوو، اردوغان‌نینگ بیرلشکن ملتلر تشکیلاتی ییللیک ییغینی‌ده اشتراک اېتیش مقصدیده، امریکاگه بۉلگن سفری دوامی‌ده عملگه آشیریلماقده دیر.
اردوغان بوندن ایلگری هم بیر قنچه اسلامی مملکتلر رسمی‌لری بیلن بیرگه ترامپ بیلن اوچره‌شگندی.
ایتیش کېره‌ک که اردوغان‌نینگ ترامپ بیلن اوچره‌شووی، تورکیه جمهور باشلیغی امریکاگه سفر قیلمسی‌دن ایلگری اعلام قیلینگن اېدی. شو اساسده تورکیه امریکالیک سودا توارلری اوستیده ۲۰۱۸ – ییلدن کېین جاری اېتیلگن باج‌لرنی بیکار قیلدی.
