هرات ولایتیده تیموری‌لرنینگ پارلاق دوری‌دن قالگن یادگارلیکلردن بیری «هرات جامع مسجدی» قیته قوریلیشی ایشلری باشلنگنی خبر قیلیندی.
هرات ولایتیده طالبان محلی رسمی‌لری‌نینگ اعلام قیلیشیچه، بو مسجد تورکیه‌نینگ ترقیات اداره‌سی یا ده «تیکا» همکارلیگیده قیته قوریله‌دی.
بو حقده نشر اېتیلگن معلومات‌گه کۉره، هرات جامع مسجدینی قیته قوریش ایشلری تورکیه همکارلیگیده باشلنگن و بو لایحه مسجدده ینگی تاش توشه‌ش، چراغ‌لرنی اۉرنه‌تیش، یشیل محیط یره‌تیش و درخت و چیچک‌لرنی ایکیش‌دن عبارت دیر.
ایتیلیشیچه هرات جامع مسجدی‌نینگ قیته قوریش ایشلری کېله‌سی اوچ آی‌گچه یکونلنه‌دی.
تیموری‌لرنینگ پایتختی بۉلمیش هرات شهری افغانستان و منطقه کۉپلب حدودلری کبی، تیموری‌لر پارلاق دورینی نمایش اېتووچی ییریک تاریخی آبده‌لرگه ایگه دیر.
بویوک بابامیز صاحب‌قران حضرت امیر تیمور تامانیدن اساس سالینگن تیموری‌لر امپراتورلیگی، دنیا اۉزی‌گه کۉرگن اینگ مهم مدنیت‌پرور حکومدارلیکلردن بیری دیر.
تیموری‌لر حکومتی‌ده‌گی مدنیت‌پرور شاه و بویوک‌لر دنیا رواجی و انسانیت کینگه‌یشی مقصدیده، ییریک آبادان‌لشتیریش‌لرنی اۉز‌لریدن میراث قالدیرگن که عصرلر اوتیشی بیلن بو دوردن قالگن تاریخی آبده‌لر سقلنیب کېلماقده.
