روسیه تشقی ایشلر وزیرلیگی‌نینگ سۉزلاوچیسی ماریا زاخارووا نینگ اعلام قیلیشیچه، روسیه، چین، ایران و پاکستان تشقی ایشلر وزیرلری، نیوریارک‌ده اۉتکزگن اوچره‌شووده، دنیا مملکتلریدن طالبان بیلن علاقه قوریش‌لرینی سۉره‌گن.
دیمک اوشبو اوچره‌شوو، بیرلشکن ملتلر تشکیلاتی باش مجمع‌سی‌نینگ ییغینی دایره‌سیده اۉتکزیلگن.
شونینگدېک بو اوچره‌شووده، افغانستان مستقل، تروریزم و مخدره ماده‌لر یۉق اېتیلگن بیر مملکتده اَیله‌نیشی اوچون سعی و حرکت اېتیلیشی تاکیدلنگن.
ایتیش کېره‌ک که بوندن ایلگری، اوشبو ییغین‌ده بو تۉرت مملکت افغانستان‌ده امریکا حضوری‌گه قرشی‌لیکلرینی هم اعلام قیلگنی خبر قیلینگن اېدی.
بو شوندی بیرحالده دیر که تۉرت ییل‌دن بیری طالبان حکومت یالغیز روسیه تامانیدن رسمیت‌گه تَن آلینگن و باشقه هیچ بیر مملکت بو خصوصده تیار بۉلمه‌گن.
