ایران یېتکیرمه‌لری بو مملکت تشقی ایشلر وزیرلیگی معلوماتی‌گه اساسلنیب نشر قیلگن خبرلرگه کۉره، فرانسه، آلمان و بریتانیا مملکتلری‌دن ایران ایلچی‌لری چقیریلگن.
بو حقده نشر اېتیلگن معلومات‌لرگه کۉره، ایران حکومتی بو ایلچی‌لرنی مصلحت مقصدیده، تهران‌گه چقیرگن.
دېیرلی ایران حکومتی بو قرارنی، بو مملکت‌گه نسبتن بیرلشکن ملتلر تشکیلاتی خوفسیزلیک کېنگشی تحریملری قیتیشی سبب آلگن.
بوندن ایلگری، ایران بیلن فرانسه، بریتانیا و آلمان اۉرته‌سیده‌گی کېلیشماوچیلیکلر سبب «ماشه میکانیزمی» قیته ایشگه توشیریلیب، بیرلشکن ملتلر تشکیلاتی تحریملری قیتیشی قرار قیلینگن اېدی.
اوشبو تحریملر آلتی آی کیچیکتیریلیشی مقصدیده، روسیه و چین تکلیفی هم اۉتگن کېچه بیرلشکن ملتلر تشکیلاتی خوفسیزلیک کېنگشی‌ده ییترلیچه آواز آلالمه‌ی رد اېتیلدی.
