فاریاب ولایتی‌نینگ بیر قنچه فعاللر و آق‌سقاللری، بو ولایتده طالبان سوو و برق باشلیغی محی‌الدین مبارز بیلن ییغین اۉتکزیب، دهندره سوو توغانی قوریلیش لایحه‌سی عملگه آشیریلیشینی طلب قیلگن.
طالبان سوو و برق وزیرلیگی، بوگون شنبه ۵ – میزان ژورنالیست‌لر بیلن شریک قیلگن بیاناتیده، بو ییغین اۉتکزیلگنیدن خبر بېردی.
فاریاب قوم بویوکلری و آق‌سقاللری، بو ولایت اهالیسی دوچ بۉلگن سوو آزلیگی معماسی‌دن اېسلب، بو معماگه ییچیم تاپیلیشی اوچون دهندره توغانی تیزلیک بیلن قوریلیشی کېره‌ک دېب بیلدیرگن.
فاریاب ولایتیده طالبان محلی رسمی‌لری، بو ولایت اهالیسی‌نینگ طلب‌نی مرکزی مسووللرگه ییتکزیشده وعده بېرگن.
ایتیش کېره‌ک که دهندره توغانی لایحه‌سی، فاریابده اقلیم اوزگریشی و سوو تنقیص‌لیگی همده ایکینچیلیک رواجلنیشی اوچون مهم لایحه‌لردن دیر. بیراق اوشبو لایحه ییللر دیر که ناانیق بهانهلر سبب عملگه آشیریلمه‌ی قالماقده.
شو سبب سونگی کونلرده، فاریاب اهالیسی بو لایحه عملگه آشیریلیشی بۉییچه سیس چیقاریب، بو خصوصده تېگیشلی اداره‌لردن اعتبار قره‌تیشینی سۉره‌شماقده.
