بیرلشکن ملتلر تشکیلاتی‌نینگ اعلام قیلیشیچه، اسراییل حربی‌لری تامانیدن غزه‌ده، اۉتگن ۲۴ ساعت ایچیده هر ۸ یا ۹ دقیقه‌ده بیر هجوم اویوشتیریلگن.
بیرلشکن ملتلر تشکیلاتی باش کاتبی‌نینگ سۉزلاوچیسی استفان دوجاریک، غزه اوروشی خصوصیده بۉلگن ینگی بیاناتلریده، بو مساله‌نی اعلام قیلگن.
دوجاریک اوشبو هجوملر قربان‌لری تینچ اهالی بۉلگنیدن خواطر بیلدیریب، بو هجوملر تیزلیک بیلن تۉخته‌تیلیشینی طلب قیلگن.
شونینگدېک بیرلشکن ملتلر تشکیلاتی باش کاتبی‌نینگ سۉزلاوچیسی غزه‌ده انسان‌پرورلیک یاردملرگه محتاج شخص‌لر سانی کۉپه‌ییب، اهالی احوالی آغیرلیگیدن هم خواطر بیلدیرگن.
بو مساله شوندی بیرحالده اعلام قیلینماقده دیر که اسراییل‌نینگ یقین‌ده اویوشتیرگن هجوملری نتیجه‌سیده ۸۳ کیشی جان بېرگنی خبر قیلیندی.
