بی‌اې‌اې‌نینگ GSU کمپنیسی قویاش پنېللرینی اۉرنه‌تیش و اولردن فایده‌لنیش بیلن شغللنووچی «یشیل انرژی» کمپنیسی نینگ 51 فایز اولوشینی ساتیب آلدی. کمپنی کیچیک قویاش انرژیسی، مینی گېسلر و الکتر مبایللر اوچون چارجلش اینفره‌توزیلمسینی رواجلنتیریشگه 27 ملیون دالر سرمایه کیریته‌دی.
بی اې اې نینگ گلابل ساوته اوتیلیتیېس کمپنیسی اۉزبېکستان نینگ «یشیل انرژی» کمپنیسی نینگ 51 فایز اولوشینی ساتیب آلدی، دېب خبر بېرماقده WAM اگېنتلیگی.
اۉزبېکستان انرژی وزیری جۉره‌بېک میرزا محمودوف تاشکېنت‌ده گسو(GSU) کمپنیسی باش مدیری علی الشیمری و مسدر کمپنیسی باش منجیری مددی نیرا‌ج کومر بیلن اوچره‌شوو اۉتکزدی.
تامانلر جمهور رییس شوکت میرضیایوف تامانیدن ابو ظبی سمتیده بېلگیلب بېریلگن وظیفه‌لرنی عملگه آشیریش، جمله‌دن، «یشیل» انرژی ساحه‌سیده‌گی لایحه‌لرنی محاکمه قیلدیلر. بوگونگی کونگه کېلیب، مملکتده قویاش و شمال الکتر استشنلرنی ایشلب چیقریشی 8 میلیارد کوت/ساعتدن آشدی.
کم قوّتلی قَیته تیکلنه‌دیگن انرژی منبعلری اولوشینی آشیریش اوچون GSU بیلن شرطنامه‌لر امضالندی. کمپنی اجتماعي اوبژېکتلر، دولت اۉرگانلری و باشقه تشکیلاتلر بنالریده قَیته تیکلنووچی انرژی منبعلری قوریلمه‌لرینی اۉرنه‌تیش و اولردن فایده‌لنیش بیلن شغللنه‌دیگن «یشیل انرژی» مچجگه 27 میلیون دالر سرمایه کیریته‌دی.
GSU بیلن بیرگه‌لیکده کیچیک قویاش و گیدراېلېکتر استشن‌لری همده الکتر مبایللرنی تېزکار قوّتلنتیریش استشن‌لرینی قوریش بۉییچه لایحه‌لرنی جدللشتیریش هم رېجه‌لشتیریلگن.
WAM اگېنتلیگی معلوماتلریگه کۉره، گسو «یشیل انرژی» نینگ 51 فایزلیک نظارت اولوشینی ساتیب آلیش بۉییچه کېلیشوونی یکونله‌دی، بو اونینگ مرکزي آسیا و مده حدودیده‌گی قَیته تیکلنه‌دیگن انرژی سکتوریده‌گی بیرینچی خریدی بۉلدی. بیتیم گسو نینگ مدیرلر کېنگشیده‌گی وکیللیگینی نظرده توته‌‌دی و برچه اکسی‌دارلرنی سقلب قالگن حالده اساسنامه کپیته‌لینی آشیریش صفتیده توزیلگن.
حاضرده «یشیل انرژی» اۉزبېکستان‌ده 50 موت قوّتگه اېگه قویاش لایحه‌لرینی باشقرماقده و پارتفېلنی ینه اۉنلب مېگاواتگه آشیریشنی رېجه‌لشتیرماقده.
اۉزبېکستان بازاریگه کیریشیمیز مملکت نینگ قَیته تیکلنه‌دیگن انرژی ساحه‌سیده‌گی مقصدلریگه ماس کېله‌دیگن اوزاق مدتلی همکارلیکنی یۉلگه قۉییش بیلن باغلیق. «یشیل انرژی» تقسیملنگن قویاش انرژیسیده یوقاری درجه‌ده‌گی وکالتلرنی نمایش اېتدی و بیز بیرگه‌لیکده بیزنس، محلي همجه‌میتلر و عمومي انرژی المشینووینی قۉللب-قوّتله‌یدیگن لایحه‌لرنی عملگه آشیرماقده‌میز»، دېدی گسو رهبری علی الشیمری.
اۉزبېکستان انرژی وزیری و «یشیل انرژی» باشقرووی رئیسی جۉره‌بېک میرزامحمودوف گسو بیلن همکارلیک قویاش انرژیسینی جدل جاري اېتیشده مهم قدم بۉلیشینی تأکیدله‌دی.
یشیل انرژی
«یشیل انرژی» کمپنیسی جمهور رییس نینگ 2023-ییل 16-فبروریده‌گی قراری بیلن تشکیل اېتیلگن. او اجتماعي ساحه اوبژېکتلری و دولت اۉرگانلری بنالریده کیچیک قوّتلی قَیته تیکلنووچی انرژی منبعلرینی اۉرنه‌تیش بیلن شغللنه‌دی.
کمپنی اۉز مبلغلری حسابیدن دولت اۉرگانلری و تشکیلاتلری بنا و انشااتلری‌نینگ تېگیشلی قِسملریگه قَیته تیکلنووچی انرژی منبعلری قوریلمه‌لری اۉرنه‌تیلگندن سۉنگ اولردن اجاره حقوقی اساسیده تېکین فایده‌لنیشگه رخصت بېریلدی. بونده اجاره شرطنامه‌لری بېلگیلنگن ترتیبده سالیق اۉرگانلریده رۉیخطدن اۉتکزیله‌دی.
«یشیل انرژی»، شونینگدېک، اېنگ یخشی تکلیفلرنی تنلب آلیش نتیجه‌لریگه کۉره محلي و خارجي ایشلب چیقرووچیلردن قَیته تیکلنووچی انرژی منبعلری قوریلمه‌لری و اولرنینگ احتیاط قِسملرینی خرید قیلیش، اوشبو قوریلمه‌لرنی اۉرنه‌تیش و اولرگه سرویس خدمتلرینی کۉرسه‌تیش بۉییچه تۉغریدن-تۉغری شرطنامه‌لر توزیشی ممکن.
