رسمی منبعلر تامانیدن تصدیق اېتیلمهگن معلوماتلرگه کۉره، قاچاق یۉلی آرقهلی ایران تامان کېتهیاتکن افغانستانلیک بیر قنچه کیشی، یۉلده ساووق طفیلی جان بېرگن.
ایریم منبعلر معلوماتی اساسیده، بو کیشیلرنینگ جسدی هرات ولایتیدهگی اسلام قلعه چیگرهسیده آلیب کېلینگن.
محلی ژورنالیستلردن بیر منبع بو کیشیلر سانینی هم ۷ کیشی دېب معلوم قیلماقده.
حاضرگچه بو مساله خصوصیده رسمی منبعلر بیران تفصیلات بېرگن اېمس. شونینگدېک اۉزبېک تیوی هم بو مسالهنی اېرکین حالده تصدیق قیلالمهیدی.
بو حقده خبر نشر قیلگن منبعلر حاضرگچه، بو کیشیلر کېملیگی هم انیقلنمهگنینی بیلدیرهدیلر.
عینی حالده منبعلردن بیری، اۉزبېک تیوی گه ایتیشیچه ایران چیگرهسیده قربان بۉلگن بو شخصلر ایچیده فاریاب اهالیسی بارلیگی هم گمان اېتیلهدی.
ایتیش کېرهک که بوندن ایلگری خودی شوندی واقعهلر ایران چیگرهسیده افغانستان وطنداشلری اۉلیمیگه سبب بۉلگن.
