ایران پایتختی تهران شهریده، بو مملکتده یشاوچی بیر قنچه اۉزبېک فعاللر بیر احتفال اۉتکزیب، چلله/یلدا کېچهسینی نشانلهدیلر. احتفالده طلبهلر، شاعرلر، فعال یاشلر و مدنیت فعاللری اشتراک اېتیب، خلقمیز آرهسیده اوزاق تاریخگه ایگه بو مدنیتنی قدرلهدیلر.
مدنی بو تدبیر اشتراکچیلری، یلدا کېچهسی و اونینگ تاریخی اهمیتی اینقسه تورکی خلقلر آرهسیدهگی اهمیتی حقیده نطق سۉزلهگنلر.
بونگه قوشیمچه اشتراکچیلر، نوایی بابامیزنینگ خمسه اثری کبی اۉزبېک تیلیده کتابلر و شعرلر هم اۉقیب، شانلی بیر تدبیر کېچهسینی اۉتکزگنلر.
تدبیر دایرهسیده قصهلر اَیتیلیب، شعر و قۉشیقلر اجرا اېتیلگنی یانیده عنعنوی اۉیینلردن بۉلمیش تاپیشماق اۉیینی هم بۉلگن.
ایرانده یشاوچی اۉزبېک فعاللر، بو کبی مدنی ییغیلیشلر و تدبیرلر دوامینی تاکیدلگن.
