اۉزبېکستان جمهور باشلیغی شوکت میرضیایف، مرکزی آسیا مملکتلری و جاپان دولت رسمیلری ییغینیده نطق سۉزلب، تورلی مسالهلرگه قوشیمچه افغانستان حقیده هم تۉختهلیب اۉتدی.
اۉزبېکستان جمهور باشلیغی اۉز نطقیده، منطقه تینچلیک و خوفسیزلیگی اوچون افغانستان خصوصیده اعتبار قرهتیلیشینی تاکیدلب، بو بارهده مملکتلر افغانستان خوفسیزلیگی، برقرارلیگی و رواجلنیشیگه اعتبار قرهتیشی کېرهک دېب تکلیف قیلدی.
شونینگدېک شوکت میرضیایف، جاپان مملکتینینگ افغانستان خلقی اوچون بۉلگن یاردملریدن هم اېسلب بو یاردملرنی یخشی بهالهگن.
بونگه قوشیمچه اۉزبېکستان جمهور باشلیغی مذکور ییغینده، مملکتلر ارا همکارلیکلر، یشیل اقتصاد، اقلیم اوزگریشیگه قرشی کورهش و باشقه مسالهلر خصوصیده هم صحبت قیلگن.
ایتیش کېرهک که توکیو شهری میزبانلیگیده اۉتکزیلگن اوشبو ییغینده، اۉزبېکستان جمهور باشلیغیگه قوشیمچه، جاپان باش وزیری تاکایچی، قزاقستان جمهور باشلیغی قاسم جومر توقایف، قیرغیزستان جمهور باشلیغی صدر جباروف، تاجکستان جمهور باشلیغی امامعلی رحمان و تورکمنستان جمهور باشلیغی سردار بېردی محمدوف هم اشتراک قیلدی.
