طالبان سۉزلاوچیسینینگ اۉرین باسری حمدالله فطرت تامانیدن نشر اېتیلگن معلوماتگه کۉره، بیر کون ایچیده ۵ مینگ و ۲۸ مهاجر کیشی مملکتگه قیتریلگن.
شونینگدېک اوشبو معلوماتده، مذکور مهاجرلر بیر مینگ و ۶۳ عایلهدن عبارت بۉلگنی هم قید اېتیلگن.
مذکور مهاجرلر، ایران و پاکستان حکومتلری تامانیدن جبری چیقاریلیب، افغانستانگه قیتریلگن.
طالبان بو مهاجرلر، تورخم، سپین بولدک، بهرامچه و اسلام قلعه چیگره یۉللری آرقهلی مملکتگه آلیب کېلینگنینی معلوم قیلدی.
عینی حالده طالبان بو مهاجرلرگه یاردم کۉرسهتیلگنینی هم ادعا قیلگن.
ایتیش کېرهک که اوشبو مهاجرلر، ایران و پاکستان حکومتلری تامانیدن، افغانستانلیک مهاجرلر چیقاریلیشی کۉپهیگنی دوامیده چیقاریلگن.
