طالبان نظارتیدهگی عامهوی اخبارات واسطهلری ننگرهار ولایتیده بیر سوو تأمیناتی ترماغی ایشگه توشیریلگنی و 300 ته عایله ایچیملیک سووی بیلن تأمینلنگنی حقیده خبر بېردی.
طالبان نظارتیدهگی باختر اخبارات آژانسی شنبه کونی، 29 قوس، اوشبو سوو ترماغی 3،9 میلیون افغاني مبلغ عوضیگه برپا اېتیلگنینی معلوم قیلدی.
خبرگه کۉره، لایحه طالبان نینگ قیشلاقلرنی تیکلش و رواجلنتیریش ادارهسی تامانیدن عملگه آشیریلگن.
آلدینراق بیرلشکن ملتلر تشکیلاتی نینگ انسان یشش جایلری دستوری ننگرهارده سوو تأمیناتی لایحهسی باشلنگنینی اعلام قیلگن اېدی.
بیرلشکن ملتلر تشکیلاتی نینگ بالهلرنی حمایهلش صندیغی (یونیسف ) افغانستانده هر 10 کیشیدن 8 نفری افلاس سوو ایچیشینی بیلدیرگن.
