طالبان ساغلیقنی سقلش وزیری نورجلال جلالی، جهان ساغلیقنی سقلش تشکیلاتی باشلیغی تیدرس ادهانوم بیلن اوچرهشیب، افغانستان خلقیگه ساغلیق خذمتلری یېتکزیلیشی مسالهسی خصوصیده فکر المشتیرگن.
اوشبو اوچرهشوو، طالبان ساغلیقنی سقلش وزیرینینگ هندوستانگه بۉلگن سفری دایرهسیده اۉتکزیلگن.
اوچرهشووده، افغانستان ساغلیق تیزیمی، بو مملکت اهالیسیگه ساغلیق یاردملری یېتکزیلیشی، افغانستان بویلب تومنلرده قوریلهیاتکن ۳۱۸ کسلخانه ایشلری خصوصیده بحث اېتیلیب، بو ساحهده ساغلیقنی سقلش تشکیلاتی همکارلیگی طلب قیلینگن.
طالبان ساغلیقنی سقلش وزیرلیگیگه کۉره، جهان ساغلیقنی سقلش تشکیلاتی باشلیغی، اېسلب اوتیلگن ساحهلرده افغانستانده همکارلیکلری آشیشیگه وعده بېرگن.
ایتیش کېرهک که طالبان حاکمیتی دوریده، افغانستان ساغلیق تیزیمی کۉپراق جهان ساغلیقنی سقلش تشکیلاتی حمایهسیگه محتاج بۉلیب قالگن.
