تهراندهگی افغانستان قدرتلی عیاللر حرکتی بۉلیمی بیر بیانات نشر، یلدا کېچهسی نینگ کیریب کېلیشینی تبریکلهدی و اوشبو کېچهنی ظلمت اوستیدن نور غلبهسی، متانت و امید رمزی صفتیده اعتراف اېتدی.
بیاناتده یلدا کېچهسی منطقه خلقلری نینگ عمومي مدني میراثی اېکنی تأکیدلنیب، او تاریخ دوامیده قیینچیلیکلرگه صبر، همجهتلیک و قرشیلیک بیلن برداش بېرگن خلقلر نینگ یارقین یۉلچیراغی بۉلیب کېلگنی قید اېتیلدی. اوشبو قدریتلر انسانلرنی اېنگ قارانغی تونلردن هم تانگگه بۉلگن امید بیلن آلیب اۉتگن.
حرکت بیاناتیده افغانستان عیاللری نینگ بوگونگی حالتیگه علیحده تۉختهلیب اۉتیلیب، یلدا اولر اوچون ینهده چوقور معناگه اېگه اېکنی، کمسیتیش، سکوت و عدالتسیزلیککه قرشی قطعیت رمزی اېکنی تأکیدلندی. بو متانت اېسه یاروغ و انسانپرور کېلهجککه بۉلگن مستحکم ایشانچدن آزیقلنهدی.
بیانات نینگ دوامیده افغانستان قدرتلی عیاللر حرکتی اعضالری یلدا کېچهسینی نشانلر اېکن، عیاللرنی خبردار قیلیش، عدالت اوچون کورهش، اجتماعي بیردملیک و عیاللرنی قۉللب-قوّتلش بارهسیدهگی اۉز مجبوريتلریگه ینه بیر بار صادقلیگینی بیلدیردیلر. شونینگدېک، اېنگ اوزون تونلر هم آخر-عاقبت اېنگ یاروغ کونلرگه آلیب کېلیشیگه ایشانچ بیلدیریلدی.
حرکت نینگ تهراندهگی بۉلیمی برچه آپه-سینگیللر، اکه-اوکهلر و فکرداشلرنی مدني و انساني قدریتلرنی اسرب اویلهگن حالده، امید، همدردلیک و اعتراضی خبرینی بیرگهلیکده یاییشگه دعوت اېتدی.
