بغلان ولایتیدن محلی منبعلر خبریگه کۉره، بو ولایتده یوز بېرگن ترافیکی حادثه نتیجهسیده آلتی کیشی جان بېریب و ینه ۴۲ کیشی یرهلنگن.
واقعه اۉتگن کېچە، شمالی سالنگ حدودلریده یۉلاوچی تاشووچی «۵۸۰» رسوملی موتر یۉلدن چیقیب کېتیشی نتیجهسیده یوز بېرگن.
ایتیلیشیچه واقعه، یۉللر موزلیگی سببلی یوز بېرگن.
بغلان ولایتیده یوز بېرگن، بو واقعه نتیجهسیدهگی قربانلر آرهسیده، بالهلر و عیاللر هم بارلیگی اَیتیلماقدە.
یۉلدن چیقیب کېتگن موتر، پلخمری شهریدن جونهب کابل تامان کېتەیاتکن اېکن.
اوشبو واقعه، افغانستان تورلی حدودلریده ترافیکی حادثهلر سانی، خواطرلی بیرحالده کۉپهیگنی دوامیده یوز بېرگن.
