سعودیه عربستانی بشردوستانه یاردمی و خیریه مرکزی قوندوز و تخار ولایتلریده آزیق-آوقت بستهلرینی ترقتدی.
سعودیه عربستانی اېلچیخانهسی کابلدهگی رسمی صحیفهسی بۉلگن ایکس اجتمای ترماغیده یازیشیچه، اوشبو یاردملردن یېتی یوز نفردن آرتیق کیشی فایدهلنگن.
اېلچیخانه نینگ قۉشیمچه قیلیشیچه، بو یاردملر افغانستانده ۲۰۲۵ و ۲۰۲۶ ییللریگه مولجهلنگن آزیق-آوقت خوفسیزلیک و فوقالعاده لایحهسی دایرهسیده عملگه آشیریلگن.
شو بیلن بیرگه، بیرلشکن ملتلر تشکیلاتینینگ انسان پرورلیک یاردملرینی موافقلشتیریش ادارهسی “اوچا” آلدینراق، افغانستان ۲۰۲۶ ییلده هم دنیادهگی اېنگ ییریک بشردوستانه بحرانلردن بیری بۉلیب قالهدی دېب معلوم قیلگن اېدی.
