خلقارا یېتکیرمهلر تامانیدن نشر اېتیلگن خبرلرگه کۉره، ایران حکومتی بوگون دوشنبه ۱۳ – دلو، اروپا اتفاقی مملکتلرینینگ تهراندهگی برچه اېلچیلرینی چقیرگن.
ایران رسمیلری اروپا اېلچیلرینی چقیریب، بو مملکتنینگ اسلامی انقلاب قوریقچیلری ناملی حربی تشکیلاتی اروپا اتفاقی تامانیدن تحریم اېتیلیشی خصوصیده اۉز ناراضلیگینی بیلدیرگن.
دېمک یقینده، اروپا اتفاقی تامانیدن ایراننینگ بو حربی تشکیلاتی تحریم اېتیلگنی حقیده خبر بېریلگن اېدی.
بو واقعه شوندهی بیرحالده یوز بېرماقده دیر که ایران سۉنگّی کونلرده امریکانینگ حربی هجوم تهدیدی بیلن دوچ دیر.
امریکا قۉشمه ایالتلرینینگ جمهور باشلیغی دونالد ترامپ، ایران حکومتی بو مملکتدهگی اعتراضچیلرگه نسبتن یاندهشوویدن تنقید قیلیب، بو حکومتگه قرشی هجوم قیلیشی ممکنلیگینی بیلدیرگن.
ایتیش کېرهک که ایران و غربی مملکتلر اۉرتهسیدهگی قرمه-قرشیلیکلر سۉنگّی وقتلرده جدیلشگن.
