روسيهده طالباننینگ اېلچیسی گُل حسن اوشبو گروه روسيهدن نفت و گاز ساتیب آلیشگه قیزیقیش بیلدیرهیاتگنینی ایتدی.
گل حسن دوشنبه کونی، 2-فبروی، تس اخبارات آژانسیگه بېرگن مصاحبهسیگه ایکّی تامانلهمه سودا علاقهلری رواجلنیب بارهیاتگنینی تأکیدلهدی.
«اگر اَیریم معمالر، اینیقسه بانک چېکلاولری برطرف اېتیلسه، افغانستان روسيهدن نفت، گاز، دارو-درمانلر، صناعت محصولاتلری، دان، اۉسیملیک یاغلری و باشقه محصولاتلرنی وارد قیله آلهدی دېدی»
گُل حسننینگ قۉشیمچه قیلشیچه، طالبان روسيهگه ینگی و قوریتیلگن مېوهلر، سبزواتلر، داری وار اۉسیملیکلر، قالینلر و باشقه طبیعی نرسهلر صادر قیلیشی ممکن.
او شونینگدېک «بو واردات و صادراتلرنینگ عملگه آشیریلیشی ایکّی تامانلهمه سودا حجمینی سېزیلرلی درجهده آشیریشی ممکنلیگینی تاکیدلهیدی»
طالبان اېلچیسی، گروه مسکوهده افغانستان محصولاتلری کۉرگزمهسینی آچیشگه حرکت قیلهیاتگنینی هم ایتدی.
روسيه طالباننی رسماً تن آلگن بیرینچی دولت حسابلنهدی.
