سعودی عربستان تشقی ایشلر وزیرلیگی ایران تامانیدن مملکتگه قیلینگن هجوملرگه جوابن بېش نفر ایران دیپلومات «عنصر نامطلوب» دېب اعلان قیلیب، اولرنی چیقریب یوباریشینی معلوم قیلدی.
وزیرلیک بیاناتیگه کۉره، ایراننینگ ریاضدهگی حربي اتشهسی، اونینگ اۉرینباسری و ینه اوچ کیشی اېلچیخانه خادیمی۲۴ ساعت ایچیده مملکتنی ترک اېتیشی کېرهک.
سعود عربستان تشقی ایشلر وزیرلیگی ایران تامانیدن قیراللیککه قرشی دوام اېتهیاتگن هجوملرنی جملهدن حاکمیت، ناحربی هدفلر، اقتصادي تاسیساتلر و دیپلوماتیک جایلرگه ضربهلرنی، خلقارا کانوانسیونلر، یخشی قۉشنیچیلیک تمایللری همده دولت قطعنامهسیگه حرمت نینگ آچیق-آیدین بوزیلیشی دېب بهالهدی.
بیاناتده، بو حرکتلر «بېیجینگ کېلیشووی» و بیرلشگن ملتلر تشکیلاتی خوفسیزلیک کېنگشینینگ۲۸۱۷ قطعنامهسیگه هم ضد اېکنی تأکیدلنگن.
شونینگدېک، سعودي عربستان بو حرکتلر اسلامي برادرلیک تمایللری و ایران کۉپ بار تهیهنهدیگن دیني قدریتلر بیلن هم ضدیتده اېکنینی بیلدیریب، بو بیاناتلرنینگ عملده عکس اېتمهیاتگنینی قید اېتدی.
سۉنگگی واقعهلر یانیده، ایران امریکا و اسرایل بیلن دوام اېتهیاتگن اوروش شرایطیده منطقهدهگی بیر قطار دولتلرگه، جملهدن سعودي عربیستانگه هم ضربه بېرگنی ایتیلماقده.
اوّلراق قطر هم شونگه اۉخشش ناراضیلیک بیلدیریب، ایراننینگ حربي و خوفسیزلیک اتشهسینی مملکتدن چیقریب یوبارگن اېدی.
