کسپین پوست نینگ خبر بېریشچه، قزاقستان 2027 ییلده یېر کوزهتووی اوچون مۉللجنگن اوچته یگی صنعی یۉلداشنی اسپس ایکس راکیتی یاردمیده اوربتگه چیقریشنی رېجهلشتیرماقده. بو حقده قزاقستان “Kazakhstan Gharysh Sapary” باشلغی کایرژان کوژایف معلوم قیلدی.
کوژایف نینگ ایتیشیچه، صنعی یۉلداشلر آستان شهریده ییغیلگن و سیناودن اۉتکزیلگن. برچه ضرور تیزیملر ساتیب آلینگن و حاضرده یکونی تخنیک تېکشیرولر همده دستوری تامینات ینگیلنیشی دوام اېتماقده. سیناو ایشلری ییل اۉرتهلریده باشلنیشی رېجهلشتیریلگن.
او ینه شونی قۉشیمچه قیلهدی که، قزاقستان 2030-2029 ییللریده ینه اوچته کاسمیک فضا کېمهسی اوچیریشنی رېجهلشتیرماقده. شو آرقهلی آلتیته صنعی یۉلداشدن عبارت تیزیم یرهتدی.
ینگی صنعی یۉلداشلر ایلک مرته اروپا حاکملری بیلن یرهتیلگن اېسکی تیزیملرنینگ اۉرنینی باسهدی. ایریم اروپا کمپوننتلریدن فایدهلنیش چېکلاولری سببلی اسپس ایکس راکتی تنلنگن. کېلهجکده اوچیریشلر “Baikonur Cosmodrome” قرارگاهسیدن عملگه آشیریلیشی کوتیلماقده.
حاضرده قزاقستان نینگ بېشته صنعی یۉلداشی اوربیتده موجود بۉلیب، اولردن بیری-KazEOSat-2 اوربیتدن چیقریش اوچون تیارلب قۉییلگن.
