طالبان صنعت و تجارت وزیرلیگی بوگون پنجشنبه ۳۱ – ثور، بیر بیانات نشر قیلیب، طالبان و اۉزبېکستان اۉرتهسیده سودا اوچرهشووی بۉلیب اۉتگنیدن خبر بېردی.
اوشبو اوچرهشووده، افغانستانلیک و اۉزبېکستانلیک سوداگر قۉشیمچه، طالبان صنعت و تجارت وزیری نورالدین عزیزی و اۉزبېکستان وزیرلر کېنگشینینگ صناعت ایشلری بۉییچه باشلیغی ناظمجان خالمرادوف اشتراک اېتگن.
شونینگدېک، ییغینده کابلدهگی اۉزبېکستان اېلچیسی آیبیک عثمانوفنینگ هم حضوری بۉلگن.
بو کنفرانسده، افغانستان و اۉزبېکستان اۉرتهسیده اقتصادی علاقهلر اینیقسه صنعت ساحهسی کېنگهیشی تاکیدلنگن.
طالباننینگ ادعا قیلیشیچه، اۉزبېکستان وزیرلر کېنگشینینگ صنعت ایشلری بۉییچه باشلیغی بو مملکت صنعت ساحهسیده افغانستان بیلن همکارلیکلرینی کۉپهیتیریشیدن وعده بېرگن.
ایتیش کېرهک که اۉزبېکستان، طالبان حاکمیتیده بۉلگن افغانستان بیلن سودا و اقتصادی ساحهلردهگی همکارلیکلرینی کېنگهیتیرگن.
