امریکا قوشمه ایالتلرینینگ جمهور باشلیغی دونالد ترمپ، ایراننینگ باییتیلگن اورانیومی تېزلیک بیلن یۉق قیلینیشی کېرهک دېب بیلدیرگن.
ترمپ بو مسالهنی اۉزینینگ «تروت سوشیال» اجتماعی ترماغیده یازگن بیاناتیده بیلدیریب، اوشبو اورانیوملر امریکاگه آلیب کېلینیب یۉق قیلینیشی یا ده باشقه بیران حدودگه کۉچیریلیب یۉق قیلینیشینی درکار دېب تاکیدلهگن.
ترمپ شونینگدېک، ایراننینگ باییتیلگن اورانیومی یۉق اېتیلیش جریانی امریکادن باشقه جایگه عملگه آشیریلگن تقدیرده خلقارا اتم انرژیسی آژانسی یا شو سطحده بۉلگن بیران تشکیلات نظارتیده بۉلیشی کېرهک دېب هم یازگن.
ترمپ بو طلبی شوندهی بیرحالده دیر که امریکا و ایران اۉرتهسیده کېلیشوو یکونلنیشی خصوصیده سعیوحرکتلری دوام اېتهیاتگنی ایتیلهدی.
حاضرگچه، اوشبو کېلیشوو خصوصیده ایشلر قنچهلیک ایلگری کېتگنی و باییتیلگن اورانیوم کبی جنجللی مسالهلرگه قندهی ییچیم-یۉل تاپیلگنی بیللی اېمس.
