روسیه فدرال خوفسیزلیک تشکیلاتینینگ باشلیغی الکساندر بورتنیکوف، بوگون (سهشنبه، ۵ جوزا) روسیهده اۉتکزیلگن خوفسیزلیک ییغینیده ایتیشیچه، داعش افغانستانده اۉرته آسیا و روسیهدهگی ایش مهاجرلریدن عسکر توپلهماقده.
او شونینگدیک، طالبلرنینگ مدافعه وزیری اشتراکی بۉلگن اوشبو ییغینده ایتیشیچه، بو گروه تاجیکستان، اۉزبېکستان، قرغیزستان و قزاقستان وطنداشلری آرهسیدن اۉزلریگه کوچ تۉپلهماقده و احتمالی هجوملرنی عملگه آشیریش مقصدیده منفعتلری مشترک بۉلگن مملکتلرده یاشیرین ترماقلرنی یرهتیش اوچون هم سعی و حرکت قیلماقده.
بورتنیکوف، منفعتلری مشترک بۉلگن مملکتلر امنیتی اداره باشلیغلری ییغینیدهگی قیلگن بیاناتیده تاکیدلشیچه، جاری ییل باشلهنیشیده روسیه امنیتی کوچلری تاجیکستان یاردمی بیلن قۉرقینچلی هجوملرنی اویوشتیریشگه قصد قیلگن بیر گروهنی تانیب هجومینینگ آلدینی آلگن اېدی.
