بیرلشگن ملتلر تشکیلاتینینگ افغانستان انسان حقلری بۉییچه مخصوص گزارشگری ریچارد بنت، هرات ولایتیده اهالیگه نسبتن حددن تشقری زوروانلیکدن ایش آلینیشیدن خواطر بیلدیردی.
ریچارد بنت، اۉزینینگ ایکس صحیفهسیده یازگن بیاناتیده، بو زوروانلیک تېزلیک بیلن یکونلنیشی همده اهالی اینیقسه عیاللر طلبیگه حرمت کۉرسهتیلیشینی سۉرهگن.
شو بیلن بیرگه، بیرلشگن ملتلر تشکیلاتینینگ مخصوص گزارشگری، اهالیگه قرشی زوروانلیکلرنی اویوشتیرگن شخصلر جوابگرلیککه تارتیلیشی کېرهک دېب هم اورغولهگن.
ایتیش کېرهک که هرات ولایتینینگ جبرییل منطقهسیده، طالبان تامانیدن عیاللر حبسگه آلینیشیگه نسبتن ناراضیلیک نمایش اۉتکزهیاتگن اهالی، طالبان جنگریلری تامانیدن اۉققه توتیلگن.
محلی منبعلر معلوماتیگه اساسلنیب نشر اېتیلگن خبرلرگه کۉره، اوشبو حادثهده حاضرگچه بیر کیشی جان بېریب و ینه بیر قنچه کیشی یرهلنگن.
