ایران عاموی اخبارات واسطهلری بوگون جمعه، ۲۲ – جوزا بو مملکت تامانیدن تیارلنگن ۱۴ مادهلیک کېلیشوو رېجهسیدن خبر بېردی.
بو حقده نشر اېتیلگن خبرلرده، اوشبو کېلیشوو امریکا بیلن ایران اۉرتهسیده تینچلیک تامینلنیشی، تورلی جبههلر جملهدن لبناندهگی اوروشلر تۉختهلیشی، ایرانگه قرشی تحریملر بیکار قیلینیشی، ایراننینگ دېنگیز قمهلی یکونلنیشی و ایراننینگ موزلهتیلگن سرمایهلری آزاد اېتیلیشی کبی موضوعلرگه قرهتیلگن.
ایران کېلیشوو رېجهسیده، یکونلی کېلیشووگه قۉل تاپیش اوچون ۶۰ کون دوامیده تامانلر اۉرتهسیده مذاکرهلر ایلگری آلیب باریلیشی هم تکلیف قیلینگن.
شو بیلن بیرگه، ایران حکومتی مذکور مذاکرهلر آلدین ایراننینگ موزلهتیلگن سرمایهلریدن یریمی آزاد قیلینیشی و قالگنی اېسه مذاکره دوامیده عملگه آشیریلیشی طلب قیلینگن.
شونینگدېک، ایران رېجهسیده بو مملکتگه نسبتن بۉلگن تحریملر جملهدن ایراننینگ نفت ساتیشی اوستیدهگی تحریملر بیکار قیلینیشی طلب قیلینگن.
بونگه قوشیمچه، ایران رسمیلری اوشبو رېجهده بو مملکت هستهای قورال ایشلب چیقرمسلیگی اوچون ایشانچ بېریشینی هم معلوم قیلگن.
بو شوندهی بیرحالده دیر که امریکا جمهور باشلیغی دونالد ترمپ یقینده ایران بیلن مهم بیر کېلیشوو امضالنیشی حقیده خبر بېرگن اېدی.
