اروپا اتفاقی بو اتفاق تامانیدن افغانستانگه کۉرسهتیلهیاتگن انسانپرورلیک یاردملر اساسا، خاتین-قیزلرنینگ قۉللب-قۉتلش اوچون بۉلگنینی اعلام قیلدی.
اروپا اتفاقی بو مسالهنی بوگون شنبه، ۳۰ – جوزا، بدخشانلیک قۉل صناعتی بیلن بند خاتین-قیزلر حقیده نشر قیلگن بیاناتیده معلوم قیلدی.
اوشبو اتفاق تامانیدن نشر اېتیلگن صورتلرده، بدخشانلیک عیاللر تیکوچیلیک و توقووچیلیک اینیقسه اۉزبېکانه جیلک توقیب تورگنلری کۉرینهدی.
شو بیلن بیرگه، اروپا اتفاقی بدخشاندهگی بو مهارت و قابلیتلرنی قۉللب-قۉتلش ایش شرایطلرینی یرهتیشیگه سبب بۉلیشینی تاکیدلگن.
ایتیش کېرهک که طالبان حاکمیتگه قیتگنیدن سۉنگ، خاتین-قیزلرگه قرشی کېنگ چېکلاولرنی جاری اېتیب بو چېکلاولر عایلهلر اینیقسه عیاللرنی آغیر اقتصادی وضعیت بیلن دوچ قیلگن.
